Адетокумбо „испорача“ дабл-дабл, Шпанија тимски ја порази Грција

Репрезентацијата на Шпанија издвојува победа над Грција од 84:77 во првата средба од денешната програма на Летните Олимписки Игри.

Ова беше меч од исклучително значање за двете селекции по поразите кои ги претрпеа на стартот на турнирот во Австралија и Канада, ситуација во која подобро се снајдоа избраниците на Скариоло кои со ова направи исчекор кон следната фаза.

Шпанците одиграа одлична втора четвртина и на пауза заминаа со предност од 49:35. Грците одговорија по одморот и по 30 минути дојдоа до минис шест за да во завршниот период го израмнат резултатот.

Сепак популарната „Ла Роха“ не дозволи целосен пресврт, жестоко се бореше и на крајот дојде до позитивен резултат.

Шпанија одигра тимски, Алдама се издвои со 19 поени и 12 скока, ама тука беа Љуљ со 13, Ернангомес со 11 и Фернандес со 10 кој поради повреда мораше предвреме да го заврши мечот.

Залуден на другата страна беше дабл-дабл ефектот на Адетокумбо од 27 поени и 11 скока.