Адеми со капитенската порака до фановите на Динамо: Ова е катастрофа за нас, но……

Хајдук го доби и второто дерби против Динамо оваа сезона и отиде на „плус седум“ на првенствената табела, учинок кој секако донесе големи пофалби за тренерот Џенаро Гатузо, но и за неговите играчи.

Тимот од Сплит изврши притисок на стартот на вториот дел и со агресивен фудбал стигна до гол, а истиот се покажа како доволен за голема дерби победа со резултат 1:0.

Навивачите на „Полјуд“ громогласно го славеа успехот над лутиот ривал кој сега е во доста незавидна ситуација, бидејќи по лекцијата од Борусија Дортмунд, следеше и болен пораз во дербито.

Аријан Адеми како капитен на Динамо не можеше да настапи на дербито во Сплит поради повреда, но Македонецот бил првиот кој излегол да се соочи со хрватските новинари.

– Многу е тешко да следите ваков натпревар од клупа, но реалноста е дека не заслуживме да победиме. Ќе дадеме се од себе за да направиме пресврт, мора да останеме со високо подигнати глави и да гледаме напред.

– Мора да излеземе како победници и покрај поразот. Имаме доста повредени играчи и сигурен сум дека во иднина ќе бидеме подобри и дека ќе ја свртиме ситуацијата во наша корист. Состојбата на табелата изгледа катастрофално за нас, им должиме многу на навивачите и мораме да реагираме и да направиме пресврт, – порачал Адеми.