Поврзете се со нас

Лига Европа

Адеми се повреди во новата победа на Динамо, Тотенхем го освои првото место во групата (Видео)

Објавено

на

blank

Динамо Загреб на најдобар можен начин го заокружи своето фантастично издание во групната фаза во Лигата на Европа, оставрувајчи победа на домашен терен против ЦСКА Москва со убедливи 3:1.

Хрватскиот фудбалски великан со четири победи и две реми средби сосема заслужено патува во нокаут рундата, а единствена лоша вест од денешниот натпревар против рускиот тим е повредата на македонскиот репрезентативец.

Капитенот Аријан Адеми се пожали на мускулна повреда по еден трк и веднаш беше заменет во 35-та минута, но дотогаш, Динамо веќе имаше предност од 1:0 со голот на Гвардиол. Набрзо после замената, домаќините поведоа со 2:0 преку Орсиќ, додека четвртата победа ја потврди Кастрати во второто полувреме. Пред крајот, почесен гол за гостите постигна Бистровиќ.

Ако овој натпревар немаше никакво резултатско значење, така не беше случајот во Северен Лондон, каде Тотенхем во директната пресметка со Антверп се избори за победа од 2:0 и го обезбеди првото место во својата група.

Двата тима ќе патуваат во нокаут фазата, но вечерва головите на Винисиус и Ло Селсо го ставија на највисоко место составот на Жозе Мурињо.

Нова победа оствари и Милан, кој со минимални 0:1 славеше на гостувањето кај Спарта Прага, натпревар кој го реши Хауге со единствениот гол.

Реклама
Реклама
Реклама

Популарни