Адеми погоди кога беше најпотребно, Динамо направи голем исчекор кон титулата во Хрватска (ВИДЕО)

Динамо Загреб дојде до исклучително важна победа во првата лига на Хрватска, победа која ја обезбеди нашиот репрезентативец Аријан Адеми.

Актуелниот првак славеше над Горица со 1-0 и со тоа ги искористи киксовите на најблиските конкуренти Осијек и Хајдук, првите загубија од Ријека со 3-1, вторите пак ремизираа со Славен Белупо. Клучниот момент се случи во самиот финиш (86 минута) кога капитенот Адеми се најде на вистинското место и ја затресе мрежата на домашниот тим.

The captain does it again and saves Dinamo in Gorica!
+5
+6

Is it over? pic.twitter.com/bev7YEIP2z

— Everything About HNL (@AboutHnl) April 24, 2022

Ова за Аријан беше трет сезонски гол и со истиот Динамо сега има плус пет и плус шест во однос на Осијек и Хајдук на четири кола до крајот.

Инаку на оваа средба сите 90 минути ги одигра и десниот бек Стефан Ристовски.