Поврзете се со нас

АБА лига

АБА: Партизан го обезбеди првото место, најголемиот ривал обвини за голема кражба

Објавено

на

Фото: Buducnost VOLI/Filip Roganovic

Регуларниот дел од сезоната во АБА лигата заврши со драматична победа на Партизан на гостувањето кај Будуќност, а со овој резултат „црно-белите“ го обезбедија првото место и најдобра позиција пред плејофот.

И додека српскиот претставник ја прославуваше предноста која ја заработи во пресрет на клучните пресметки, најголемиот ривал Црвена Звезда испрати соопштение во кое ја обвини лигата, односно судиите за голема кражба во Подгорица.

На три секунди до крајот резултатот во „Морача“ беше 82:82, но потоа беше досудена лична грешка над Пантер, а кошаркарот на Партизан ги постави конечните 82:83 со едно уфрлено слободно фрлање.

– КК Црвена Звезда нема обичај да се огласува по натпревар во кој не учествувала, но бидејќи заостанатиот натпревар во Подгорица директно влијае на распоредот, нема да молчиме по уште една кражба во режија на оние кои треба да се грижат за регуларноста на лигата.

– Направен е уште еден чекор за рушење на регуларноста на лигата и тоа во режија на судиите, кои случајно или не, на спорните натпревари секогаш се од иста земја. Бидејќи знаеме што не чека и не сакаме да бидел дел од претстави и фарси, клубот бара иземање на овие судии до крајот на сезоната. КК Црвена Звезда нема да игра натпревар ако и бидат делегирани овие судии, – стои во соопштението на српскиот клуб.

Реклама
Реклама
Реклама

Популарни