Поврзете се со нас

Англија

127 играчи во Премиер лигата се повредени, Сити и Арсенал имале помалку проблеми од ривалите за титулата

Објавено

на

foto:twitter.com/EmiratesFACup

Големиот број натпревари носи ризик и од почести повреди, а тоа го чувствуваат и премиерлигашите, чии амбиции често паѓаат во вода поради големиот број недостапни играчи.

Според актуелната анализа на англиските медими, во моментов дури 127 играчи од Премиер лигата не се во комбинација за настап поради повреди, а самата бројка е потврда на проблемите со кои се соочуваат менаџерите.

Во досегашниот тек на сезоната, најмногу проблеми пријавил Њукасл, односно во клубот имало 29 повреди кои придонеле за фудбалерите кумулативно да пропуштат 1.333 дена без настап.

На второто место е Манчестер Јунајтед со 28 повреди и 979 пропуштени денови, додека Брајтон има ист број повреди, но и 1.093 пропуштени денови.

Следуваат Тотенхем, Нотингем, Ливерпул, Челси и Кристал Палас со по 27 пријавени повреди, а во оваа група предничи Челси чии играчи пропуштиле 1.091 ден.

Манчестер Сити и Арсенал се на дното со по 19 повреди, а нивните играчи пропуштиле 565, односно 771 ден. Најмалку повреди (13) имале Волвс и Вест Хем.

Реклама
Реклама
Реклама

Популарни