Червар го објави списокот за ЕП, Хрватска остана без една од најголемите ѕвезди

Селекторот на хрватската ракометна репрезентација, Лино Червар, денеска го објави поширокиот список за претстојното Европско првенство, а на него не се наоѓа еден од најдобрите репрезентативци изминатите години.

Се работи за Мануел Штрлек, соиграчот на нашиот Дејан Манасков во Веспрем и крилото кое на последните првенства беше меѓу најважните играчи на хрватскиот состав.

Штрлек не е вклучен на списокот со 28 играчи кој е испратен до ЕХФ и со тоа дефинитивно нема да биде во комбинација за шампионатот, а медиумите потенцираат дека очигледно ракометарот има нерешени проблеми со Червар и не е задоволен од статусот кој го имал во националниот тим.

На списокот го нема и Јагањац, а Хрватите во групната фаза ќе играат против Црна Гора, Србија и Белорусија.