Фед Куп: Тенисерките не пронајдоа решение за Кипар

Македонската женска тениска репрезентација со пораз од Кипар од 2-1 го заврши настапот во групата Б во третата Евро/африканска зона во Фед Купот,

Магдалена Стоилковска и Лина Ѓорческа доживеаа порази од 2-0 во сингл пресметките со Елени Лоука и Ралука Сербан. Стоилковска освои само два гема против Лоука, додека пак нашиот најдобар рекет Ѓорческа со 6-3 и 6-2 беше надиграна од Сербан.

Единствениот поен за нас го донесоа Ана Ристевска и Ана Симева кои во двојки ги добија Марија Константину и Флорентија Хаџигеоргиу со 6-2 и 6-2.

За нас сега останува борбата за петтото место во Хелсинки и тоа против Малта.