Поврзете се со нас

Мото ГП

Страшен инцидент во Мото ГП: Зарко спаси жива глава откако беше „покосен“ од моторот на дебитантот (Видео)

Објавено

на

Со трката за Големата награда на Шпанија се спушти завеса на уште една сезона во Мото ГП, а трката во Валенсија дефинитивно ќе се памети по победата на Марк Маркез кој оствари историја со најмногу освоени бодови во една година, како и по прошталната епизода на Хорхе Лоренцо во мотоциклизмот.

Сепак, последната трка за оваа сезона ни донесе и еден страшен момент кога никој не очекуваше, бидејќи Жоан Зарко за чудо мина неповреден по еден страшен инцидент кој се случи на шестата кривина на патеката. Во период од 20 секунди дури тројца возачи паднаа на исто место, но најдебелиот крај го извлече Зарко кој падна втор по Данило Петручи.

Откако падна со својот мотор, Зарко не очекуваше дека на уште еден ќе му се случи истото, но дебитантнот Икер Лекуона загуби контрола над својот мотор, а потоа истиот буквално го „собра“ Французинот кој падна на врат. Лекуона експресно му пријде на Зарко, а вистинска среќа е што францускиот возач мина без никаква повреда во дадената ситуација.

Реклама
Реклама
Реклама

Популарни