Секој потег се плаќа: Го испрати Дончиќ во публика, НБА „дебело“ го казни (Видео)

Пред неколку денови Лука Дончиќ имаше извонредна партија против актуелниот вицешампион Голден Стејт Вориорс реализирајќи трипл-дабл од 31 поен, 12 скокови и 15 асистенции, но ова беше дуел во кој Словенецот заврши и на трибини откако без потреба беше отурнат од центарот на домаќините, Маркиз Крис.

Крис нервозно реагираше, односно одлучи да покаже мускули, но тој негов потег дебело ќе мора да го плати по одлуката која ја донесе НБА лигата. Имено членот на „воините“ е олеснет за 35,000 американски долари што дефинитивно е сериозна сума за него ако се знае дека оваа сезона ја игра за минимум од 1.62 милиони долари.

Според „Јаху“, Маркиз и неговите луѓе бараат објаснување, поточно намалување на казната.