Подмладениот Вардар доживеа потоп во Нашице

Вардар со сосема нов состав предводен од Столе Петрушевски отпатува на гостувањето во Нашице кај Нексе во мечот од СЕХА лигата, меч кој младите ракометари нема да го паметат затоа што доживеаа убедлив пораз од домаќинот од 42-26.

Младите вардарци беа конкурентни во првиот дел кој го завршија со „само“ четири голови негатива (18-14) за да во продолжението Нексе комплетно доминира на двете страни на теренот и со 24-12 му нанесе тежок пораз на бранителот на пехарот во ова натпреварување.

Томиќ со 8 гола беше најдобар кај победник, додека пак кај македонскиот првак најдобар поединец беше Кукуловски со 7 погодоци.

Со овој натпревар Вардар и официјално ја заврши оваа календарска година.