Нурмагомедов го откри името на својот следен можен противник: Неговите борби се спектакуларни, секако дека сакам…

Контроверзниот УФЦ шампион, Хабиб Нурмагомедов на 18 април ќе се соочи со Тони Фергусон, во како што веруваат сите најтешкиот испит за него во октагоните.

Познато е дека Дагестанецот нема пораз во овој спорт, а според неговата најнова изјава тој не верува дека Тони Фергусон ќе му застане на патот, па веќе си ја има впишано победата во мислите.

Се појавија шпекулации дека следен противник на Нурмагомедов еќ биде Џастин Гетји, а шпекулациите веднаш ги прокоментира и самиот борец.

– Дали го гледам како ривал? Да, секако. Неговите борби се спектакуларни и интересни. Добро е кога спортистот има голема самодоверба. Секако дека сакам да се борам со него, го сметам за добар борец, -изјами Нурмагомедов.

Гетји во 23 борби во кариерата забележал 21 победа, а дури 18 од нив ги завршил со нокаут. Има два порази од Еди Алварез и Дастин Поирие.