Неочекуван трансфер: Дортмунд продаде стандарден првотимец во Бенфика

Последниот ден од оваа календарска година ни донесе еден неочекуван трансфер и тоа на релација Борусија Дортмунд-Бенфика, а во прашање е Јулијан Вајгл.

Повремениот германски репрезентативец се сели во Лисабон за сума од 20 милиони евра. Тој изминативе четири ипол години ги мина во дресот на Борусија каде оваа сезона беше стандарден и забележа 20 настапи, па поради тоа е изнедувачки овој трансфер.

-Би сакал да им се заблагодарам на моите соиграчи, стручниот штаб на Дортмунд и на сите навивачи на овој одличен клуб за одлично време кое тука го минав, секогаш ќе ја носам Борусија во срцето, -порача Вајгл кој игра на средината на теренот, но може и да ја покрие стоперската позиција ако е потребно.

Јулијан својот простој во Дортмунд го завршува со 171 натпревари и освоен германски Куп и Супер Куп.