Митревски најдобар голман во СЕХА, Јотиќ и Дибиров во Топ 5 стрелци

Во СЕХА лигата заврши првиот дел, поточно групната фаза и затоа може да се направи едно резиме, односно да се види кој и каков индивидуален учинок имал секој од играчите во екипите.

Секако оние кои се најдобри, најквалитетни се секогаш во центарот на вниманието, па така согласно статистичките параметри голман број еден во СЕХА лигата е македонскиот репрезентативец, Николче Митервски. Членот на Еурофарм Пелистер зад своето име има 89 одбрани со што е најдобар во натпреварувањето во досегашниот дел на сезоната.

Кога се во прашање погодоците, Ловро Јотиќ (Еурофарм Пелистер) и Тимур Дибиров (Вардар) се во Топ 5 стрелци. Јотиќ е на второто место со 47 голови, додека третата позиција е резервирана за Тумур со 46.