Македонија сака да биде домаќин на ЕП во одбојка

Одбојкарската федерација на Македонија аплицираше за организација на две европски првенства и тоа на сениорското во машка конкуренција во 2023 година и на женското за одбојкарки до 19 години кое треба да се одржи во 2022 година.

Оваа информација ја објави ОФМ која информираше дека сака да го искористи позитивниот момент и фактот што македонската одбојка оди во нагорна линија, па поради тоа испративме кандидатура за организација на два големи настана.

Со оглед на тоа ова се големи проекти, ОФМ побарала и добила писмена гаранција од македонската Влада којашто се обврзала да помогне во обезбедување финансиски, материјални, функционални и просторни услови за организиција на овие спортски натпреварувања.

Останува сега да видиме каква ќе биде одлуката на ЦЕВ на нашите апликации или во случајот дали можеме да бидеме организатори на една од четирите групи од сениорското машко Европско првенство во 2023 година или пак на она во 2022 година за домаќин на шампионатот на одбојкарки до 19 години.