Кадетите повторно загубија од Израел и завршија 12. на ЕП во Италија

Македонските кадети на крајот мора да се задоволат со 12-то освоено место на Европското првенство во Италија, бидејќи на последниот меч кој го одиграа ова попладне прокнижија уште еден пораз од должникот во групната фаза.

Во битката за 11-то место на турнирот кој се играше во Удине, Македонија на успеа да се справи со незгодниот Израел, селекција со која го изрежиравме највозбудливиот натпревар во првата фаза на турнирот. Тогаш Израелците не победија после три продолженија, а денеска главната разлика ја направија во клучниот период.

Нашите надежи отворија одлично, имавме контрола на играта и на полувремето заминавме со минимална предност од 39:37, а иако таквиот пристап продолжи и во третиот период, во последната четвртина следеше голем пад кој беше одлучувачки за поразот. Израел победи со 25:11 во последниот период и на тој начин стигна до далеку полесна победа од 83:72, епилог со кој стана јасно дека Македонија го освои 12-то место на Евробаскетот во Удине.