И Путин се огласи за суспензијата на Русија: Тоа е исклучиво политичка одлука…

Руските спортисти вчера добија и официјална суспензија откако ВАДА се реши на ваков чекор поради наводните малверзации со лабораториските податоци од допинг теситрањата.

Русија нема да може да учествува на Олимписките игри во Токио, а доби забрана за настап и на Светското првенство во фудбал што во 2022 ќе се одржи во Катар.

За целата оваа ситуација се огласи и рускиот претседател и еден од најмоќните ликови во светот, Владимир Путин кој смета дека ова е политичка одлука.

– Секоја казна уште од Римското право треба да биде индивидуална и базирана на тоа што нарпавило некое лице. Казната не може да биде колективна и не може да влијае на оние луѓе кои не направиле прекршок. Мислам дека експертите од ВАДА тоа добро го разбираат. Ако некој од нив носи одлуки за колективно казнување, мислам дека може да се претпостави дека темелот на одлуката не е за чистотата на меѓународниот спорт, туку тоа е политичка одлука која нема никаква врска со интересите на спортот или олимпиското движење, -дециден беше Путин.